स्वयंम न्युज ब्युरो
नवी मुंबई : श्री शनी जयंतीनिमित्त कुकशेत गावात नेरूळ सेक्टर १४ येथील राष्ट्रवादी कॉंग्रेसच्या जनसंपर्क कार्यालयासमोर श्री. शनी महाराजांची महापुजा, महाभिषेक व महायज्ञाचे सोमवार, दि. ३ जुन रोजी आयोजन करण्यात आल्याची माहिती नवी मुंबई महापालिकेच्या महिला व बालकल्याण समिती सभापती सौ. सुजाता सुरज पाटील यांनी दिली.
दुपारी १ ते ५ दरम्यान शनी महापुजा, महाअभिषेक व शनी महात्म्याचे पठण, सांयकाळी ५ ते ६ पूर्णाहूती महानैवैद्य, महाआरती, सांयकाळी ६ ते १० दर्शन व महाप्रसाद, सांयकाळी ७ ते १० भजन अशा विविध कार्यक्रमांचे आयोजन करण्यात आले आहे.
जय गजानन मित्र मंडळ, समस्त ग्रामस्थ मंडळ कुकशेत, महिला बचत गट व सुरज मित्र मंडळ यांच्या संयुक्त संयोजनातून या कार्यक्रमाचे आयोजन करण्यात आले आहे. या कार्यक्रमात नवी मुंबईकरांनी मोठ्या संख्येने भक्तीभावाने सहभागी व्हावे, असे आवाहन सभापती सौ. सुजाता सुरज पाटील यांनी केले आहे.
