नेरूळमध्ये नाथषष्ठी हरिनाम सप्ताह

सुजित शिंदे : ९६१९१९७४४४
नवी मुंबई : ह.भ.प बाबामहाराज सातारकर ज्ञानपीठ प्रतिष्ठानच्यावतीने जगद्गुरू तुकाराम बीज व नाथषष्ठी हरिनाम सप्ताहाचे आयोजन करण्यात आले असून याच कार्यक्रमात २८ मार्च रोजी विठ्ठल मंदिराचा भूमीपुजन सोहळा आयोजित करण्यात आला आहे.
गुरूवार २४ मार्च ते बुधवार ३० मार्च यादरम्यान हा नाथषष्ठी हरिनाम सप्ताह होणार असून या सप्ताहामध्ये सकाळी ८ ते ९ भजन, ९ ते १० प्रवचन आणि सांयकाळी ६.३० वाजता हरिपा, सांयकाळी ७.३० वाजता किर्तन होणार आहे. सद्गुरू बाबामहाराज सातारकर, ह.भ.प भगवतीताई महाराज सातारकर आणि ह.भ.प चिन्मय महाराज सातारकर यांची किर्तने होणार आहेत.
नेरूळ सेक्टर ३० मधील प्लॉट क्रं. ६ (अ) येथील बाबमहाराज सातारकर ज्ञानपीठ प्रतिष्ठान येथे न्यु सातारा जिल्हा नागरिक सहकारी पतसंस्थेच्या सौजन्याने हा नाथषष्ठी हरिनाम सप्ताह होणार आहे.