मुंबई : ’बाहुबली : दि बिगिनिंग’ या चित्रपटाने प्रदर्शनानंतर पहिल्या पाच दिवसांत तब्बल २१५ कोटी रुपयांची कमाई केली आहे. या ’बाहुबली’ने पहिल्याच दिवशी सुमारे ७० कोटी रुपयांची विक्रमी कमाई केली आहे. यापूर्वी शाहरुख खान अभिनीत ’हॅपी न्यू इयर’ या चित्रपटाच्या नावावर ४६ कोटींच्या सर्वाधिक कमाईचा विक्रम होता. यानंतर ’बाहुबली’ने आता पाच दिवसांत २०० कोटींहून अधिक रुपयांची कमाई केली आहे. भारतीय चित्रपट सृष्टीतील सर्वात वेगाने २०० कोटींची कमाई करणारा हा चित्रपट ठरला आहे.
दक्षिण भारताप्रमाणेच उत्तरेतदेखील या चित्रपटाला उदंड प्रतिसाद मिळाला. प्रभास, राणा डग्गुबत्ती, अनुष्का शेट्टी आणि तमन्ना भाटिया ही बडी स्टारकास्ट मंडळी या चित्रपटात आहेत. विशेष म्हणजे बिग बी अमिताभ बच्चन आणि रजनीकांतदेखील हा चित्रपट पाहून प्रभावित झाले आहेत.
‘बाहुबली’ची पाच दिवसांत २१५ कोटींची कमाई
