मुंबई : रेल्वेच्या मध्य व हार्बर मार्गावर दुरुस्तीच्या कामानिमित्त रविवारी मेगाब्लॉक घेण्यात येणार आहे. तर पश्‍चिम रेल्वेच्या मुंबई सेंट्रल व माहीम मार्गावर शनिवारी रात्री १.४५ वाजल्यापासून पहाटे ४.१५पर्यंत मेगाब्लॉकचे काम हाती घेण्यात येणार आहे. त्यामुळे पश्‍चिम रेल्वेवर रविवारी सकाळी घेण्यात येणारा मेगाब्लॉक रद्द करण्यात आला आहे.
मध्य रेल्वेवर मुलुंड, माटुंगादरम्यान जलद मार्गावर सकाळी ११.४५ ते दुपारी ४.१५ या वेळेत मेगाब्लॉक घेतला जाणार आहे. तर हार्बर मार्गाच्या पनवेल नेरूळ स्थानकादरम्यान सकाळी ११ ते दुपारी ३ या कालावधीत मेगाब्लॉक घेतला जाणार आहे.
हार्बर मार्गावरील मेगाब्लॉकदरम्यान अंधेरीकडे जाणार्‍या गाड्या रद्द करण्यात आल्या आहेत. मध्य रेल्वेच्या प्रवाशांच्या सोयीसाठी शीव ते मुलुंड स्थानकादरम्यान बेस्टची ३०२ बस सेवा असेल.
मध्य व हार्बर मार्गावर रविवारी मेगाब्लॉक
