डीएव्ही शाळसमोर अ‍ॅडमिशनकरीता पालकांच्या रांगा

नवी मुंबई : सीवूड्स सेक्टर 48 येथील डीएव्ही शाळेत नर्सरीच्या प्रवेशासाठी मंगळवारपासून अर्ज वितरीत करण्यास सुरूवात झाली. अर्जवाटप दुपारी दोन वाजता होणार असले तरी शाळेच्या आवारात सकाळी सात-आठ वाजल्यापासूनच पालक वर्गांनी रांगा लावल्याचे पहावयास मिळाले.
सिवूडस, नेरूळ, जुईनगर परिसरात डीएव्ही शाळेचा नावलौकीक चांगला आहे. दर्जेदार व सर्वोत्तम शिक्षणासाठी डीएव्ही शाळा नावाजलेली आहे. या शाळेत मुलांना नर्सरीपासूनच प्रवेश मिळावा यासाठी पालकवर्गाचा खटाटोप असतो. मंगळवार, दि. 10 फेब्रुवारीपासून नर्सरीकरीता प्रवेशप्रक्रिया दुपारी दोन वाजल्यापासून सुरू झाली. प्रवेश अर्जाची किंमत एक हजार रूपये आहे. मंगळवारी, पालकांनी सकाळी 7 वाजल्यापासूनच रांगा लावल्याचे शाळेच्या मागील प्रवेशद्वारालगत पहावयास मिळत होते. पहिल्याच दिवशी किमान 1000च्या आसपास प्रवेश अर्ज विकले गेल्याची माहिती सूत्रांनी दिली.