सुजित शिंदे – ९६१९१९७४४४
नवी मुंबई : ‘ निर्धार राष्ट्रवादी, निश्‍चय राष्ट्रवादी, संपूर्ण महाराष्ट्राची निवड राष्ट्रवादी!’.. असा बुलंद नारा देत राष्ट्रवादी कॉंग्रेस पक्षाने आगामी राज्य विधानसभा निवडणुकीसाठी कंबर कसली असून सर्व नेते आणि कार्यकर्ते एकदिलाने कामाला लागले आहेत. सध्या राष्ट्रवादी कॉंगे्रसचे महापालिका क्षेत्रातील निर्धार मेळावे पार पडत असून नवी मुंबईतील पक्षाचा निर्धार मेळावा तसेच कार्यकर्ता मार्गदर्शन शिबीर आज सोमवार (दि.७ जुलै) रोजी वाशी येथील विष्णुदास भावे नाट्यगृह येथे सकाळी १० वा. आयोजित करण्यात आले आहे.
कल्याण, ठाणे , उल्हासनगर या शहरांमध्ये राष्ट्रवादीचे निर्धार मेळावे आत्तापर्यंत पार पडले आहेत. नवी मुंबईतील आजच्या मेळाव्यास पक्षाचे खंबीर नेते आणि राज्याचे उपमुख्यमंत्री अजितदादा पवार मार्गदर्शन करणार आहेत. त्याचबरोबर पक्षाच्या प्रदेशाध्यक्षपदी अलिकडेच निवड झालेले सुनिल तटकरे तसेच आपल्या सक्षम नेतृत्वाने नवी मुंबईसह ठाण्यात राष्ट्रवादी कॉंगे्रसची विजयीपताका फडकत ठेवणारे पालकमंत्री नामदार गणेश नाईक यांचे देखील या मेळाव्यास मार्गदर्शन लाभणार आहे. प्रदेश राष्ट्रवादी युवक कॉंगे्रसचे अध्यक्ष उमेश पाटील, माजी खासदार संजीव नाईक, आमदार संदीप नाईक, महापौर सागर नाईक, पक्षाचे नवी मुंबई अध्यक्ष गोपिनाथ ठाकूर, प्रदेश पातळीवरील आणि नवी मुंबईतील राष्ट्रवादी कॉंगे्रसचे इतर अनेक मान्यवर नेते आणि पदाधिकारी आजच्या मेळाव्यास उपस्थित राहणार असल्याने नवी मुंबईतील पक्षाच्या कार्यकर्त्यांमध्ये चैतन्याचे आणि उत्साहाचे वातावरण आहे.
नवी मुुंबईत सोमवारी राष्ट्रवादी कॉंँग्रेेस पक्षाचा निर्धार मेळावा
