नेरूळमध्ये बुधवारी विठ्ठल दर्शन सोहळा

सुजित शिंदे – ९६१९१९७४४४
नवी मुंबई :- नेरूळ सेक्टर १० मधील पंच परमेश्‍वर मंदीराजवळ ९ जुलै रोजी छत्रपती शिवराय चॅरिटेबल ट्रस्टच्या वतीने विठ्ठल दर्शन सोहळ्याचे आयोजन करण्यात आले आहे. नेरूळमधील राष्ट्रवादी कॉंग्रेसचे युवा नेते राजेश भोर आणि प्रभाग ७५च्या राष्ट्रवादी कॉंग्रेस महिला वॉर्ड अध्यक्षा सौ. वैशाली राजेश भोर तसेच नवयुग पंचपरमेश्‍वर चॅरिटेबल ट्रस्ट यांनी या कार्यक्रम आयोजनात पुढाकार घेतला आहे.
९ जुलै रोजी सकाळी ९ ते रात्री १० वाजेपर्यत हा विठ्ठल दर्शन सोहळ्याचा कार्यक्रम आयोजित करण्यात आला असून आषाढी एकादशीनिमित्त भजनाच्या कार्यक्रमाचे व फराळ वाटपाचेही आयोजन करण्यात आले आहे. नेरूळमधील भाविकांनी मोठ्या संख्येने या कार्यक्रमात सहभागी होवून विठ्ठल दर्शन सोहळ्यात सहभागी व्हावे असे आवाहन राष्ट्रवादी कॉंग्रेसचे युवा नेते राजेश भोर यांनी केले आहे.