स्वयंम न्यूज फिचर्स : Navimumbailive.com@gmail.com : ८३६९९२४६४६
नवी मुंबई : नमो क्रिडा स्पर्धेने महाराष्ट्राचा कानाकोपरा पिंजून काढला असून नवी मुंबईतील बेलापुर व ऐरोली विधानसभा मतदारसंघातही विविध मैदानावर विविध क्रिडा प्रकाराचे आयोजन सुरु आहे. सानपाडा नोडमधील भाजपाचे युवा नेते व माथाडी नेते पांडुरंग आमले यांनीही सानपाड्यात भाजपा आमदार सौ. मंदाताई म्हात्रे यांच्या नेतृत्वाखाली रविवार, दि. २१ जानेवारी रोजी नवी मुंबई नमो केसरी कुस्ती स्पर्धेचे आयोजन केले आहे.
रविवारी २१ जानेवारी रोजी सांयकाळी ५ वाजल्यापासून सानपाडा सेक्टर ८ मधील खेळाच्या मैदानावर हे नमो केसरी कुस्ती स्पर्धेस सुरुवात होणार आहे. या स्पर्धेत पै. शुभम शिंदे (सानपाडा), पै. मंदार गाडवे (कुर्ला), पै. हिंदवी घोरपडे (सानपाडा), पै. धनश्री गायकवाड (कुर्ला), पै. बालाजी मेटकरी (आटपाडी), पै. रंजीत राजमाने (कराड) , पै. श्रीवर्धन शेवाळे (सानपाडा),, पै. ओम वैताळ (कळंबोली), पै. अमृता यादव (मानखुर्द), पै. तनवी विभुते (सानपाडा) यांच्यासह मुंबई, नवी मुंबई, पनवेल येथील शंभराहून अधिक कुस्तीपटू सहभागी होणार आहेत. विशेष म्हणजे पुरुष कुस्तीपटूंच्या सामन्यांसोबत महिला कुस्तीपटूंचेही सामने या ठिकाणी रंगणार आहेत.
या कुस्ती स्पर्धेमध्ये नवी मुंबईकरांनी मोठ्या संख्येने उपस्थित व्हावे असे आवाहन कार्यक्रमाचे आयोजक पांडुरंग आमले यांनी केले आहे.
