गणेश इंगवले : Navimumbailive.com@gmail.com
नवी मुंबई : अण्णासाहेब पाटील आर्थिक विकास महामंडळाच्या योजनांबाबत नवी मुंबई, पनवेल परिसरातील लाभार्थ्यांचा मेळावा रविवारी, १० सप्टेंबर रोजी नवी मुंबईतील माथाडी भवन येथे आयोजित करण्यात आला आहे.
तुर्भे सेक्टर १९ मधील प्लॉट नं १४ ए वर असणाऱ्या माथाडी भवनमध्ये रविवारी सकाळी १० वाजता या ‘लाभार्थ्यांच्या मेळाव्यास’ सुरूवात होणार आहे. अण्णासाहेब पाटील आर्थिक विकास महामंडळाच्या कोणत्या योजना आहेत, या योजनांचा लाभ घेण्यासाठी काय पात्रता असावी, निकष काय आहेत, बॅंकाना कोणती कागदपत्रे सादर करावी लागणार, कोणकोणत्या व्यवसायासाठी कर्ज प्राप्त होते, याबाबत विस्तृतपणे मार्गदर्शन करण्यात येणार आहे. नवी मुंबई व पनवेल परिसरातील युवकांनी, युवतींनी मोठ्या संख्येने या मेळाव्यात सहभागी होण्याचे आवाहन आण्णासाहेब पाटील आर्थिक विकास महामंडळाचे अध्यक्ष नरेंद्र पाटील यांनी केले आहे.
