नवी मुंबई : महापालिका प्रभाग ८७ मधील नेरूळ सेक्टर आठमधील राजर्षी छत्रपती शिवाजी महाराज उद्यानात लहान मुलांची खेळणी बसविण्याची लेखी मागणी शिवसेनेच्या स्थानिक नगरसेविका सौ. सुनिता रतन मांडवे यांनी महापालिकेच्या उद्यान विभागाच्या उपायुक्तांकडे केली आहे.
प्रभाग ८७ मध्ये असणार्‍या नेरूळ सेक्टर आठ विभागात राजर्षी छत्रपती शाहू महाराज उद्यान आहे. या उद्यानासभोवताली सिडकोच्या गृहनिर्माण सोसायट्या असून अल्प उत्पन्न गटातील माथाडी कामगारांच्या निवासी परिसराचाही समावेश आहे. हे नेरूळ पश्‍चिमेकडील सर्वाधिक मोठे व आकाराने विस्तीर्ण उद्यान असून या ठिकाणी नेरूळ सेक्टर ८, जुईनगर २-४, नेरूळ सेक्टर ६,१० आणि सारसोळे गावातूनही रहीवाशी चालण्यासाठी व लहान मुले खेळण्यासाठी येत असतात. या उद्यानातील लहान मुलांची खेळणी नसल्याने लहान मुलांची गैरसोय होत आहे. त्यामुळे लहान मुलांना खेळण्यासाठी महापालिका प्रशासनाने लवकरात लवकर खेळणी बसवावीत अशी मागणी शिवसेना नगरसेविका सौ. सुनिता रतन मांडवे यांनी महापालिका प्रशासनाकडे केली आहे.
प्रभागातील उद्यानामध्ये लहान मुलांची खेळणी बसविण्याची शिवसेना नगरसेविका सौ. सुनिता रतन मांडवेंची मागणी
