नवी मुंबई : नेरूळ सेक्टर सहा येथील तानाजी मालुसरे क्रिडांगणावर राष्ट्रवादी कॉंग्रेस पक्ष प्रभाग ८५ व ८६ आयोजित नवरात्र उत्सवात शनिवारी घेण्यात आलेली चित्रकला स्पर्धा उत्साहात पार पडली.
राष्ट्रवादी कॉंग्रेसच्या स्थानिक नगरसेविका व महापालिकेच्या महिला व बालकल्याण समिती सभापती सौ. सुजाताताई सुरज पाटील यांच्या उपस्थितीत ही चित्रकला स्पर्धा पार पडली. या स्पर्धेत परिसरातील १५० हून अधिक मुले-मुली सहभागी झाली. यावेळी नवी मुंबईतील ज्येष्ठ पत्रकार संदीप खांडगेपाटील, राष्ट्रवादी कॉंग्रेसचे वॉर्ड अध्यक्ष महादेव पवार, राष्ट्रवादीच्या महिला पदाधिकारी सुवर्णा मेहेर व राष्ट्रवादी कॉंग्रेसचे स्थानिक पदाधिकारी व कार्यकर्ते आणि लहान मुलांसमवेत आलेले पालक मोठ्या संख्येने उपस्थित होते. यावेळी स्पर्धकांना त्यांच्या आवडीचे चित्र काढण्यास स्पर्धा आयोजकांनी सांगितले होते.
या स्पर्धेतील विशेष बाब म्हणजे राष्ट्रवादी युवक कॉंग्रेसचे नवी मुंबई जिल्हाध्यक्ष व नगरसेवक सुरज पाटील आणि महिला व बालकल्याण समितीच्या सभापती सौ. सुजाताताई सुरज पाटील यांचा छोटा साडे पाच वर्षाचा बालक स्वराज अन्य स्पर्धकांसमवेत सहभागी होवून चित्र काढत होता.
नेरूळ सेक्टर सहामधील नवरात्र उत्सवातील लहान मुलांची चित्रकला स्पर्धा उत्साहात
