इंग्लिश स्पिकिंग कोर्स यशस्वीरीत्या पूर्ण केलेल्या विद्यार्थ्यांना प्रमाणपत्र वाटप

सुजित शिंदे : ९६१९१९७४४४
नवी मुंबई : राष्ट्रवादी कॉंग्रेसचे नेरूळ तालुका अध्यक्ष गणेश भगत यांच्या सहयोगाने आणि राष्ट्रवादी कॉंग्रेसच्या नगरसेविका सौ.रुपाली किस्मत भगत यांच्या सौजन्याने टाईम्स ऑफ इंडिया व ब्रिटिश कौन्सिल यांच्या टिच इंडिया प्रकल्प अंतर्गत एस.एस.व्ही संस्था (रजि.) यांच्या तर्फेराबविण्यात आलेल्या इंग्लिश स्पिकिंग कोर्स सलग दोन महिने प्रशिक्षण घेवून यशस्वीरित्या पूर्ण केलेल्या विद्यार्थ्यांना प्रमाणपत्र वाटपाचा शुक्रवारी संध्याकाळी ७ वाजता नवी मुंबई महानगरपालिका शाळा क्रमांक-९ सेक्टर १६ए नेरुळ येथे संपन्न झाला.
यावेळी नगरसेविका सौ. रुपाली किस्मत भगत यांनी इंग्लिश स्पिकिंग कोर्स यशस्वीरित्या पूर्ण करणार्‍या विद्यार्थी वर्गाचे अभिनंदन केले आणि विद्यार्थ्यांना शिकवण देणार्‍या शिक्षकांचे मनःपूर्वक आभार मानले. सदर उपक्रम आयोजित केल्याबद्दल विद्यार्थी वर्ग आणि शिक्षकवर्गाने आपल्या मनोगतात गणेश भगत यांचे आभार मानले. मान्यवरांच्या हस्ते विद्यार्थ्यांना प्रमाणपत्र आणि सन्मानचिन्ह देवून गौरविण्यात आले. कार्यक्रम प्रसंगी तालुकाध्यक्ष गणेश भगत ,नगरसेविका रुपाली किस्मत भगत, कुमार, ताबिता, प्रसन्नजीत, समाजसेविका प्राजक्ता प्रभु, विमल गांडाल, सुरेखा देठे, समाजसेवक राकेश तांडेल, सागर मोहिते, रोहित चव्हाण, राहुल म्हात्रे, रविंद्र भगत उपस्थित होते.