श्रावणी सोमवारनिमित्त सीवूड्सला महारूद्राअभिषेक

स्वयंम न्युज ब्युरो : 8369924646 / 9619197444
नवी मुंबई : धर्मवीर संभाजी राजे चॅरिटेबल ट्रस्टच्या वतीने पाचव्या श्रावणी सोमवारचे औचित्य साधून 21 ऑगस्ट रोजी सीवूड्स परिसरात महारूद्रा अभिषेकाचे आयोजन करण्यात आले आहे.
सिवूड्स सेक्टर 46मधील धर्मवीर संभाजी राजे चॅरिटेबल ट्रस्ट संचलित शनैश्‍वर मंदिरात पहाटे 4 वाजल्यापासून सांयकाळी 8 वाजेपर्यत विविध धार्मिक कार्यक्रमाचे आयोजन करण्यात आले असल्याची माहिती ट्रस्टचे अध्यक्ष दत्ता घंगाळे यांनी दिली.
पहाटे 4 वाजता महारूद्रा अभिषेकास सुरूवात होणार असून सकाळी 7 ते दरम्यान होम हवन होणार आहे. सांयकाळी 6 ते 7 भजन आणि सांयकाळी 7 वाजता महाआरती होणार आहे.
या महारूद्रा अभिषेक आयोजनासाठी दत्ता घंगाळे यांच्यासह सचिव प्रभाकर पाणिंदे, विश्‍वस्त विकास नलावडे, जयवंत चव्हाण, मंदिर व्यवस्थापक राजू कांबळे, अरविंद वाटवणे, लालजी बंगारी, प्रसाद ठाकूर, कैलास तरकसे, रेवजी पाचपुते, शिवाजी घंगाळे, संतोष साळवी, अविनाश चंद्रा, भागवत पाटील, पंकज पाचपुते, सौरभ दास, रामचंद्र पाटील, रोहन पाटील परिश्रम करत आहेत.