शिवाजी नगर येथे असलेल्या बैगणवाडीच्या पद्मा नगरमध्ये एक माजली घर कोसळले आहे. यात ४ जण जखमी झाले असून त्यात ३ पुरुष आणि एका महिलेचा समावेश आहे. हे घर सायंकाळी ५ च्या सुमारास कोसळले आहे. स्थानिक नागरिकांनी पोलीस आणि अग्निशामक दलाला याची माहिती दिली.
येथील रस्ता अरुंद असल्याने अग्निशामक दलाला घटनास्थळी पोहोचण्यास वेळ लागला. स्थानिक नागरिकांनी मदत करत जखमींना राजावाडी आणि सायन रुग्णालयात उपचारासाठी भरती केले. जोरात पडणाऱ्या पावसामुळे हे घर कोसळल्याची माहिती प्रशासनाने दिली.
