- नवी मुंबई : सीवूड्स येथील पॉप्युलर कंपनीत भरदिवसा दरोडा टाकण्यात आला आहे. शनिवारी दुपारच्या सुमारास ६ ते ७ जणांनी सिवूड सेक्टर ४२ मधील पॅाप्युलर फायनांस कंपनीत घुसून पिस्तुल व तलवारीचा धाक दाखवत २० ते २२ किलो सोने लुटल्याचे वृत्त आहे.
-
सीवूड रेल्वे स्टेशन समोर सेक्टर ४२ मधील भुखंड क्रमांक ४२ वर पॅाप्युलर फायनान्सचे कार्यालय असून दुपारी साडेतीन पावणेचारच्या सुमारास काही अज्ञात व्यक्ती कंपनीच्या कार्यालयात घुसल्या. त्यांनीकर्मचा-यांना पिस्तुलाचा धाक दाखवत तिजोरीतील सोने पळवले.या दरोड्याचे वृत्त मिळताच पोलिस घटनास्थळी दाखल झाले असून दरोडेखोरांच्या शोधार्थ सर्वत्र नाकांबदी करण्यात आली आहे. तसेच श्वानपथक व ठसे तज्ञ तपासणी करत असून कंपनीतील कर्मचा-यांची कसून तपासणी करण्यात येत आहे.
नवी मुंबईत भरदिवसा दरोडा, २०-२२ किलो सोने लुटले
