: मेट्रोच्या ४५ फेर्यांचा पास ५० टक्क्यांनी स्वस्त करून मुंबई मेट्रो वनने मेट्रोच्या पासधारकांना खुशखबर दिली आहे. मात्र, पहिल्या २०० पासधारकांसाठीच ही सवलत लागू असून, त्यानुसार ९०० रुपयांचा पास ४५० रुपयात तर ६७५ रुपयांचा पास केवळ ३३७ रुपयांत मिळणार आहे. या २०० पासधारकांनंतर इतर पासधारकांना ६७५ रुपयांचा पास ४९९ रुपयात तर ९०० रुपयांचा पास ६९९ रुपयांत उपलब्ध होईल.
मात्र, ही सवलतही केवळ २८ फेब्रुवारीपर्यंत असेल. मेट्रोच्या एकेरी प्रवासासाठी १०, २०, ३०, ४० रु. असे टप्पे असून, परतीच्या प्रवासासाठी हेच टप्पे २०, ३०, ५०आणि ६० रु. असे टप्पे आहेत. या मार्गावर नियमित प्रवास करणार्या प्रवाशांसाठी ४५ फेर्यांचा पास सवलतीच्या दराने दिला जातो. त्यानुसार वर्सोवा ते चकाला व घाटकोपर ते चकालादरम्यानच्या ४५ फेर्यांसाठी ६७५ रुपयांत पास मिळतो. वर्सोवा ते घाटकोपर मार्गावर ४५ फेर्यांसाठी ९००रुपये पासासाठी आकारले जातात.
