पुणे : कात्रज-कोंढवा रस्त्यावरील गोकुळनगर परिसरात आज (सोमवार) सकाळी एका महिलेवर अज्ञात व्यक्तीने घरात घुसून गोळीबार केला. या गोळीबारत महिला जखमी झाली असून, तिच्यावर उपचार सुरू आहेत.
मिळालेल्या माहितीनुसार, गोकुळनगरमधील गल्ली क्रमांक पाचमध्ये राहत असलेल्या राजश्री बेडगे (वय २५) या महिलेवर सकाळी सात वाजता अज्ञात व्यक्तीने घरात घुसून गोळीबार केला. महिलेच्या डाव्या हाताला गोळी लागली असून, तिच्यावर भारती रुग्णालयामध्ये उपचार सुरू आहेत.
पोलिस घटनास्थळी दाखल झाले असून, पुढील तपास करत आहेत. आर्थिक देवाणघेवाणीच्या वादातून ही घटना घडल्याची शक्यता वर्तविण्यात येत आहे.
पुण्यात महिलेवर घरात घुसून गोळीबार
