मुंबई : कांदिवली येथील दामुनगर परिसरातील झोपडपट्टीला भीषण आग लागली. या आगीनंतर येथे सहा ते सात सिलेंडरचे स्फोट झाल्याचे प्राथमिक वृत्त आहे. ही घटना सोमवारी दुपारच्या सुमारास घडली.
अग्नीशमन दलाच्या १५ गाड्या घटनास्थाळी दाखल झाल्या आहेत. आगीत जखमी झालेल्यांना शताब्दी रुग्णालयात उपचारासाठी दाखल करण्यात आले आहे.
सोमवारी दुपारच्या सुमारास दामुनगर परिसरातील झोपडपट्टीला अचानक आग लागली. आग विझवण्यास उशीर होत असल्याने येथे सहा ते सात सिलेंडरचे स्फोट झाल्याचे वृत्त आहे. ही आग नेमकी कशामुळे लागली हे अद्यापही समजलेले नाही.
कांदिवलीत झोपडपट्टीला भीषण आग
