नवी मुंबई : दिवाळीच्या पार्श्वभूमीवर मंगळवारी, १० नोव्हेंबर रोजी बेलापुरच्या ग्रामस्थांकरता सकाळी मराठी व हिंदी सुमधूर गाण्यांचा समावेश असलेल्या ‘दिवाळी पहाट’ या कार्यक्रमाचे आयोजन करण्यात आले आहे.
प्रियदर्शनी महिला मंडळ, बेलापुर यांनी या कार्यक्रमाचे आयोजन केले असून नवी मुंबईसह ठाणे-रायगड पट्टीत नावाजलेले दिनेश जोशीसर व त्यांचे सहकारी मराठी व हिंदीमधील सुमधूर गाण्यांनी मंगळवारी बेलापुरच्या ग्रामस्थांची सकाळ उत्साही व मंगलदायी करणार आहेत. या कार्यक्रमास नवी मुंबई महापालिकेच्या आरोग्य समिती सभापती पुनम पाटील, माज नगरसेवक अमित पाटील, युवा कामगार नेते व इंटकचे ठाणे जिल्हाध्यक्ष मिथुन पाटील यांच्यासह सामाजिक व शैक्षणिक क्षेत्रातील मान्यवर उपस्थित राहणार आहेत.
बेलापुर गावातील सेक्टर २० मधील श्री राम मारूती मंदीराजवळ सकाळी ६ ते १० या वेळेमध्ये या दिवाळी पहाट कार्यक्रमाचे आयोजन करण्यात आले असून बेलापुरच्या ग्रामस्थांनी मोठ्या संख्येने या कार्यक्रमात सहभागी व्हावे असे आवाहन आरोग्य समिती सभापती पुनम पाटील यांनी केले आहे.
सुमधुर गाण्यांनी उत्साही होणार मंगळवारी बेलापुरवासियांची ‘दिवाळी पहाट’
