मुंबई- मध्य रेल्वेच्या बदलापूर स्थानकाजवळ नागरकोईल एक्सप्रेसचे इंजिन अचानक बंद पडल्याने वाहतूक विस्कळीत झाली आहे. कर्जतहून मुंबईच्या दिशेने येणारी वाहतूक पुर्णपणे ठप्प झाली आहे.
मुंबईच्या दिशेने येणारी नागरकोईल एक्सप्रेस बदलापूर स्थानकाजवळ पोहोचताच त्या गाडीचे इंजिन अचानक बंद पडले. त्यामुळे कर्जतहून मुंबईच्या दिशेने येणारी वाहतूक ठप्प झाली. ही घटना दुपारी अडीचच्या सुमारास घडली.
दुपारची वेळ असल्याने प्रवाशांचे फार हाल होणार नाहीत. घटनेची माहिती मिळताच तात्काळ दुरूस्तीचे काम सुरू करण्यात आले आहे.
