कळंबोलीतील शाळेच्या इमारतीतून विद्यार्थ्यांचा पडून मृत्यू

पनवेल : कळंबोलीतील येथील सेंट जोसेफ शाळेच्या इमारतीतून पडून सातवीत शिकणार्‍या विघ्नेश साळुंके या विद्यार्थ्याचा मृत्यू झाला आहे. आज सकाळी नेहमीप्रमाणे विघ्नेश शाळेत गेला होता. सकाळी पावणे सात ते सातच्या दरम्यान हा प्रकार घडला. जेव्हा तो खाली पडला तेव्हा त्याला तातडीने उपचारासाठी रुग्णालयात नेण्यात आले. मात्र डॉक्टरांनी त्याला मृत घोषित केले. हा अपघात कसा झाला याचा तपास पोलीस करत आहेत.
काही महिन्यापूर्वी एका विद्यार्थ्याचा खिडकीतून पडून मृत्यू झाला होता तर नवी मुंबई ऐरोली येथील शाळेतील फ्रान्शेला वाझ हिचे अपहरण करून खून करण्यात आला होता. या आजच्या प्रकारामुळे पुन्हा एकदा विद्यार्थ्यांच्या शाळेतील सुरक्षेवर प्रश्नचिन्ह निर्माण झालंय.