लिटील चॅम्प प्री स्कूलचे सोमवारी नेरूळला वृक्षारोपण

संजय बोरकर : 9869966614
नवी मुंबई : नेरूळमधील शैक्षणिक क्षेत्रात नावाजलेल्या लिटील चॅम्प प्री स्कूलच्या वतीने सोमवार, दि. 13 जुलै रोजी नेरूळ सेक्टर 8 परिसरातील महापालिकेच्या उद्यानात सकाळी वृक्षारोपन केले जाणार आहे.
साई गणेश एज्युकेशनल अ‍ॅण्ड चॅरिटेबल ट्रस्टच्या वतीने नेरूळ 8 परिसरात लिटील चॅम्प प्री स्कूल गेली 3 वर्षे चालविण्यात येत आहे सध्या पावसाळ्याचे दिवस असल्याने मुलांना वयाच्या तिसर्‍या वर्षापासूनच वृक्षारोपणाची आवड लागावी, त्यांच्यात वृक्षसंवर्धनाबाबत प्रेम जागृत व्हावे म्हणून आगळावेगळा उपक्रम म्हणून नर्सरीच्या मुलांकडूनच नेरूळ सेक्टर 8 मधील महापालिकेच्या छत्रपती शाहू महाराज उद्यानात वृक्षारोपण केले जाणार असल्याची माहिती संस्थेचे सचिव विलास चव्हाण यांनी दिली.
परिसरातील शिवसेनेच्या स्थानिक नगरसेविका व महापालिकेच्या विधी समिती सदस्या सौ. सुनिता रतन मांडवे या प्रमुख पाहूण्या म्हणून या वृक्षारोपण कार्यक्रमात सहभागी होणार आहेत. सकाळी 9 वाजता हा वृक्षारोपणाचा कार्यक्रम आयोजित करण्यात आला आहे.