वाशी / वार्ताहर
नवी मुंबई महानगर पालिका प्रथम संदर्भ रुग्णालय वाशी वैद्यकीय अधीक्षक डॉ. प्रशांत जवादे यांचे वडील श्रीधरराव उर्फ भय्यासाहेब जवादे यांचे अमरावती येथे निवासस्थानी मंगळवार २७ मे २०१४ रोजी ९२ व्या वर्षी दुखद निधन झाले.
श्रीधर राव उर्फ भय्यासाहेब जवादे हे ज्येष्ठ स्वतंत्र संग्राम सैनिक १९४२ लढ्या मधील सहभागी होते, १९५२ची पहिली विधानसभा निवडणूक मध्ये निवडून आले होते, तसेच १९७७ मध्ये यवतमाळ खासदार म्हणूनु निवडून आले होते, तर कॉंग्रेस चे जेष्ठ नेते म्हणून ओळख होती. शिवसेनेचे नगरसेवक रतन नामदेव मांडवे यांनी श्रीधर रावांच्या निधनाबद्दल शोक व्यक्त केला असून डॉ. जवांदे यांच्या परिवाराच्या दु:खात नेरूळ सेक्टर ८ मधील रहीवाशी सहभागी असल्याचे म्हटले आहे. कॉंग्रेस पक्षाचे नेरूळ तालुका चिटणिस मनोज मेहेर आणि नवी मुंबई देशस्थ, आगरी-कोळी सामाजिक संस्थेचे संस्थापक अध्यक्ष संदीप खांडगेपाटील यांनीही शोक व्यक्त केला आहे.
