गरजू विद्यार्थ्यांना आर्थिक मदत

सुरेंद्र सरोज : Navimumbailive.com@gmail.com – ८३६९९२४६४६

ठाणे : कळवा येथील सेंट ॲग्रेशन हायस्कूल व कनिष्ठ महाविद्यालयाच्या सभागृहात गौ सेवा समिती ठाणे व परोपकर ठाणे समितीच्या वतीने विद्यार्थ्यांसाठी गुरु सन्मान व आर्थिक मदत सोहळ्याचे आयोजन करण्यात आले होते. यामध्ये भाजपचे आमदार संजय केळकर, गौ सेवा समितीचे अध्यक्ष प्रदीप गोयनका, सेवा समितीचे अध्यक्ष डॉ. संजय चुडीवाल यांच्यासह समितीचे पदाधिकारी, विद्यार्थी व शिक्षक मोठ्या संख्येने उपस्थित होते.  कळवा पूर्वेकडील सेंट ॲग्रेशन हायस्कूल व कनिष्ठ महाविद्यालयात ५० मुला-मुलींना आर्थिक मदत देऊन सर्व शिक्षकांचे अभिनंदन केले, यावेळी विद्यालयातील डॉ. पवन अग्रवाल व शाळेचे मुख्याध्यापक दिनेश यादव व सर्व शिक्षक उपस्थित होते.