स्वयंम न्युज ब्युरो : Navimumbailive.com@gmail.com / 9820096573
नवी मुंबई : जागतिक महिला दिनानिमित्त नेरूळ भाजप प्रभाग ८५ व ८६ च्यावतीने कुकशेत गावात पारिवारिक स्नेह मेळावा व हळदीकुंकू समारंभाचे आयोजन करण्यात आले आहे. शनिवारी, दि. ७ मार्च रोजी कुकशेत गावातील गांवदेवी मैदानावर सांयकाळी ७ वाजता या कार्यक्रमाचे आयोजन करण्यात आले आहे.
या कार्यक्रमास ऐरोलीचे आमदार गणेश नाईक, बेलापुरच्या आमदार सौ. मंदाताई म्हात्रे, पनवेलचे आमदार प्रशांत ठाकूर , उरणचे आमदार महेश बालदी, नवी मुंबईचे महापौर जयवंत सुतार, ठाण्याचे माजी खासदार संजीव नाईक, ईशान्य मुंबईचे माजी खासदार संजय पाटील, ऐरोलीचे माजी आमदार संदीप नाईक, नवी मुंबईचे माजी महापौर सागर नाईक, नवी मुंबई भाजपचे अध्यक्ष रामचंद्र घरत, नवी मुंबई महापालिका सभागृगनेते रवींद्र इथापे, नगरसेविका रूपाली भगत, नगरसेविका श्रध्दा गवस, नगरसेवक गिरीश म्हात्रे, माजी नगरसेविका सौ. स्नेहा पालकर, समाजसेवक गणेश भगत यांची या कार्यक्रमास विशेष उपस्थिती राहणार असून सौ. कल्पना संजीव नाईक, सौ. पल्लवी संजय पाटील, सौ. कल्याणी संदीप नाईक, सौ. काजल सागर नाईक, सौ. निर्मला जयवंत सुतार हेही या कार्यक्रमाला उपस्थित राहणार आहेत. या कार्यक्रमामध्ये सरगम या मराठी चित्रपटातील सर्व कलाकार, स्टार प्रवाह वाहिनीवरील श्री. गुरूदेव दत्त मालिकेतील लक्ष्मीफेम जान्हवी किल्लेकर सहभागी होणार आहेत. या कार्यक्रमात सहभागी महिलांमधून १५ महिलांना सोडतीतून पैठणी साडीची भेट, एलईडी टीव्ही, मोबाईल फोन आदी भेटवस्तूही दिल्या जाणार आहेत.
प्रभाग ८५च्या नगरसेविका सौ. सुजाता पाटील, प्रभाग ८६च्या नगरसेविका सौ. जयश्री ठाकूर, नगरसेवक सुरज पाटील हे या कार्यक्रमाचे आयोजक असून या कार्यक्रमास प्रभाग ८५ व ८६ मधील महिलांनी तसेच रहीवाशांनी मोठ्या संख्येने सहभागी व्हावे असे आवाहन नगरसेवक सुरज पाटील यांनी केले आहे.
