लोकनेते गणेश नाईकांच्या प्रचारासाठी ऐरोली मतदारसंघात मंगळवारी सांयकाळी भव्य ‘रोड शो’
सुजित शिंदे : ९६१९१९७४४४ : navimumbailive.com@gmail.com
नवी मुंबई : ठाणे जिल्ह्याचे माजी पालकमंत्री व नवी मुंबईचे शिल्पकार तसेच ऐरोली विधानसभा मतदारसंघातील भाजपचे उमेदवार गणेश नाईक यांच्या प्रचारासाठी मंगळवार, दि. १५ ऑक्टोबर रोजी सांयकाळी वाशी ते ऐरोली, दिघा पटनी रोडपर्यत भव्य रोड शोचे आयोजन करण्यात आले आहे. या शोमध्ये महाराष्ट्राचे मुख्यमंत्री देवेंद्र फडणवीस स्वत: सहभागी होणार असल्याची माहिती भाजपचे माजी आमदार संदीप नाईक यांनी दिली.
सांयकाळी ७ वाजता वाशी सेक्टर १४ येथील एमजीएम कॉंम्पलेक्स येथून या रोड शोला सुरूवात होणार असून ७.३० वाजेपर्यत वाशी सेक्टर १२, जुहूगाव शाखा, कोपरखैराणे सेक्टर ११ येथील कलश उद्यान, कोपरखैराणे डी-मार्ट सर्कल,कोपरखैराणे तीन टाकी, कोपरखैराणे झायका हॉटेल चौक यादरम्यान हा रोड शो होणार आहे. त्यानंतर सांयकाळी ७.३० ते ८ यादरम्यान राजेंद्र आश्रम मार्गे घणसोली दर्गा, घणसोली रेल्वे स्टेशन, ठाणे-बेलापुर रोड नोसिल नाका, ठाणे बेलापुर रोड रबाले नाका यादरम्यान रोड शो काढण्यात येणार आहे. सांयकाळी ७.३० ते ७.४५ दरम्यान ऐरोलीतील सेक्टर ५ येथील सावता माळी हॉल, ऐरोली फायर ब्रिगेडसमोरील अंडरपास यादरम्यान हा रोड शो होणार आहे.रात्री ७.४५ ते ८ दरम्यान ठाणे बेलापुर रोड वरील दिघा चिंचपाडा नाका, दिघा तलाव, दिघा साठेनगर, दिघा पटनी नगर कॉर्नर येथे हा रोड शो आल्यावर या रोड शोची या ठिकाणी समाप्ती होणार आहे.
माजी आमदार संदीप नाईक यांच्या मार्गदर्शनाखाली या रोड शोचे आयोजन करण्यात आले असून भाजपच्या नगरसेवकांनी, पदाधिकाऱ्यांनी व कार्यकर्त्यांनी मोठ्या संख्येने या रोड शोमध्ये सहभागी होण्याचे आवाहन संदीप नाईक यांनी केले आहे.
