स्वयंम न्यूज ब्युरो
नवी मुंबई : नेरूळ सेक्टर दोन परिसरातील संभाजी महाराज उद्यानातील ओपन जीमच्या परिसरात पेव्हर ब्लॉक बसविण्याची लेखी मागणी भाजपचे प्रभाग ८४ चे वॉर्ड अध्यक्ष विलास वसंत चव्हाण यांनी महापालिका प्रशासनाकडे केली आहे.
ओपन जीम परिसरात पेव्हर ब्लॉक नसल्याने स्थानिक नागरिकांना धुळीत तसेच मातीतच व्यायाम करावा लागत आहे. यामुळे नागरिकांच्या आरोग्य रक्षण न होता त्यांच्या आजारातच वाढ होण्याची शक्यता आहे. ओपन जीमची ही अवस्था पाहता शक्य तितक्या लवकर पेव्हर ब्लॉक बसविण्याची मागणी भाजपच्या विलास चव्हाण यांनी महापालिका प्रशासनाकडे केली आहे.
