सोमवारी रंगणार कुकशेत गावात दहीकाला उत्सव

सुजित शिंदे : ९६१९१९७४४४
नवी मुंबई : राष्ट्रवादी कॉंग्रेस पक्षाच्या प्रभाग ८५ व ८६ आणि जय गजानन मित्र मंडळ यांच्या संयुक्त विद्यमाने कुकशेत गावामध्ये सोमवार, दि. ३ सप्टेंबर रोजी दहीकाला उत्सवाचे आयोजन करण्यात आले आहे.
कुकशेत गावातील महापालिका शाळेच्या क्रिडांगणावर हा दहीकाला उत्सव आयोजित करण्यात आला असून या उत्सवास ठाण्याचे माजी पालकमंत्री गणेश नाईक, माजी खासदार संजीव नाईक, ऐरोलीचे आमदार संदीप नाईक, महापौर जयवंत सुतार, माजी महापौर सागर नाईक उपस्थित राहणार आहेत.
या उत्सवात पुरूषांच्या खुल्या गटाकरिता २५,१११ रूपयांचे, महिलांच्या खुल्या गटाकरिता ११,१११ रूपयांचे आणि हंडीच्या सलामीला १ हजार रूपयांचे बक्षिस दिले जाणार आहे.
या उत्सवात नवी मुंबईतील दहीहंडी पथकांनी मोठ्या संख्येने सहभागी व्हावे आणि नेरूळ नोडमधील रहीवाशांनी तसेच ग्रामस्थांनी या सोहळ्यात सहभागी व्हावे असे आवाहन कार्यक्रमाचे आयोजक असलेल्या राष्ट्रवादी युवक कांँग्रेसचे नवी मुंबई जिल्हाध्यक्ष व नगरसेवक सुरज बाळाराम पाटील यांनी केलेे आहे.