कुकशेत गावात नगरसेवक चषक -२०१८चे आयोजन

अमोल इंगळे
नवी मुंबई :- राष्ट्रवादी युवक कॉंग्रेसचे नवी मुंबई जिल्हाध्यक्ष व नगरसेवक सुरज पाटील यांच्या वाढदिवसानिमित्त २१ व २२ जुलै रोजी गावातील जय गजानन मित्र मंडळाच्या वतीने नगरसेवक चषक – २०१८चे आयोजन करण्यात आले आहे.
ही स्पर्धा मर्यादीत षटकांची पावसाळी स्पर्धा असून या स्पर्धेचे प्रथम पारितोषिक रोख ३० हजार रूपये व आकर्षक चषक आणि दुसरे पारितोषिक रोख १५ हजार रूपये व आकर्षक चषक आहे. ही स्पर्धा चार षटकांची असून १६ संघांमध्ये ही स्पर्धा खेळविण्यात येणार आहे.
गावदेवी क्रिकेट क्लब, जय गजाजन मित्र मंडळ, जय गजाजन ४० प्लस क्रिकेट संघ यांनी ही स्पर्धा आयोजित केली असून स्पर्धेत सहभागी होवू इच्छिणार्‍यांनी अधिक माहितीसाठी अनुप पाटील ९८३३१२९००७ या क्रमाकांवर संपर्क साधावा असे आयोजकांकडून आवाहन करण्यात आले आहे.