नेरूळमध्ये रविवारी राष्ट्रसंत भगवानबाबा जन्मोत्सव सोहळा

स्वयंम न्युज ब्युरो : 8369924646 / 8082097775
नवी मुंबई : श्री संत भगवानबाबा जन्मोत्सव सेवा समिती, नवी मुंबई यांच्या वतीने रविवार, 20 जुलै रोजी नेरूळमध्ये राष्ट्रसंत भगवानबाबा जन्मोत्सव सोहळ्याचे आयोजन केले आहे. नेरूळ सेक्टर 18 येथे सकाळी 11 वाजल्यापासून रात्री 8 वाजेपर्यत हा जन्मोत्सव सोहळा चालणार असल्याची माहिती संतोष गर्जे यांनी दिली.
नेरूळ सेक्टर 18 मधील विद्या भवन विद्यालयात या कार्यक्रमाचे आयोजन करण्यात आले असून सकाळी 11 ते 1 यादरम्यान राष्ट्रसंत भगवान बाबा यांची प्रतिमा पुजन, दुपारी 1 ते 5 वारकरी भजन, सांयकाळी 5 ते 7 समाजप्रबोधकार ह.भ.प महेश महाराज सांळुकेंचे किर्तन आणि त्यानंतर सांयकाळी 7 ते रात्री 8 यादरम्यान भाविकांना महाप्रसादाचे वाटप केले जाणार आहे.
या कार्यक्रमामध्ये सहभागी होवू इच्छिणार्‍यांनी अधिक माहितीसाठी अमोल कुटे (8898410810), संतोष गर्जे (9594425535), अजय तिडके (9594152181), अशोक शिरसाट (9594006876), भाऊसाहेब वनगे (9702013962) यांच्याशी अधिक संपर्क साधावा असे आयोजकांच्या वतीने सांगण्यात आले आहे. या जन्मोत्सव सोहळ्याकरिता भाविकांना महाप्रसादाकरिता भगवानराव ढाकणे हे अन्नदात्याचे काम पाहणार आहेत.