सोलापूर येथील लायन्स क्लब सेन्ट्रल तर्फे दरवर्षी महिला दिनानिमित्त देण्यात येणारा ‘लायन्स आदर्श महिला पत्रकार’ पुरस्कार युवा पत्रकार प्रमिला पवार यांना जाहीर झाला आहे. शनिवार दि. 15 एप्रिल रोजी सोलापुर येथील मेसॉनिक हॉल येथे सायंकाळी 6 वाजता मान्यवरांच्या उपस्थितीत त्यांना हा पुरस्कार प्रदान करण्यात येणार आहे.
सोलापूर येथील लायन्स क्लब सेन्ट्रलचे अध्यक्ष अॅड.श्रीनिवास कटकूर यांनी यंदाच्या वर्षीच्या पुरस्काराचे मानकरी ठरलेल्या मान्यवरांची यादी जाहीर केली. लायन्स क्लब सेन्ट्रल तर्फे दरवर्षी महिला दिनानिमित्त विविध क्षेत्रात उत्कृष्ट कार्य करणाऱ्या स्त्री शक्तींना गौरविण्यात येते. यात पत्रकारिता क्षेत्रात उल्लेखनीय कामगिरीसाठी ‘लायन्स आदर्श महिला पत्रकार’ पुरस्कार प्रदान केला जातो. युवा पत्रकार प्रमिला सुनिता राजेंद्र पवार यांना हा ‘लायन्स आदर्श महिला पत्रकार’ पुरस्कार जाहीर करण्यात आला आहे. अतिशय कमी वयात पत्रकारिता क्षेत्रात उल्लेखनीय कामगिरी बजावत सामाजिक क्षेत्रातही त्यांचा हिरीहिरीने सहभाग असतो. एका खाजगी वृत्तवाहिनीत एंटरटेन्मेंट रिपोर्टर, एका दैनिकात उपसंपादक, फिल्म पीआर अशा अनेक क्षेत्रात कार्य करून स्वतःची स्वतंत्र ओळख निर्माण केली आहे. यापुर्वी त्यांना रत्नागिरी येथील नवननिर्मीती फाऊंडेशनच्या राज्यस्तरीय आदर्श महिला पत्रकार पुरस्काराने सन्मानित करण्यात आले आहे.
