घणसोलीमध्ये २५ व २६ फेब्रुवारीला ‘साई भंडारा उत्सव’

साईनाथ भोईर याजकडून
नवी मुंबईः साईलिला प्रतिष्ठाण, घणसोली, नवी मुंबई तर्फे येत्या २५ ते २६ फेब्रुवारी २०१७ दरम्यान घणसोली गांव मधील गणेश नगरातील खारेश्‍वर महादेव मंदिर मध्ये ‘साई भंडारा उत्सव’ आयोजित करण्यात आला आहे.
‘साई भंडारा उत्सव’मध्ये २५ फेब्रुवारी रोजी सायंकाळी ७ वाजता साईंची भव्य पालखी मिरवणूक घणसोली मध्ये काढण्यात येणार आहे. ‘साई भंडारा उत्सव’मध्ये २६ फेब्रुवारी रोजी सकाळी ९ ते दुपारी ३ या वेळेत अभिषेक, श्री पादुका पुजन, होम हवन, दुपारी ४ ते सायंकाळी ६ या वेळेत सत्यनारायण महापुजा आणि सायंकाळी ७ वाजता साईभजन तसेच साई भंडारा (महाप्रसाद) आदी कार्यक्रम होणार आहेत.
घणसोली मधील समस्त नागरिकांनी ‘साई भंडारा उत्सव’मध्ये सहकुटुंब, सहपरिवार आणि मित्रमंडळींसह येऊन कार्यक्रमाची शोभा वाढवावी तसेच तिर्थप्रसाद, महाप्रसादाचा लाभ घ्यावा, असे आवाहन ‘साईलिला प्रतिष्ठाण’चे संस्थापक-अध्यक्ष अजय पवार, मुख्य सल्लागार पत्रकार दीपक देशमुख आणि कार्याध्यक्ष रविंद्र राजिवडे यांनी केले आहे.