नवी मुंबई : नागरिकांच्या भेटी घेत त्यांच्याशी थेट सुसंवाद साधणा-या महापालिका आयुक्त श्री. तुकाराम मुंढे यांच्या ‘वॉक विथ कमिशनर’ या उपक्रमाला सर्वच ठिकाणी नागरिकांचा चांगला प्रतिसाद लाभत असून या शनिवारी दि. 17 सप्टेंबर 2016 रोजी, सकाळी 6.30 वा., महापालिका आयुक्त श्री. तुकाराम मुंढे हे चिंचोली तलाव, शिरवणे, नेरूळ परिसरात महापालिका अधिका-यांसह उपस्थित राहून नागरिकांशी सुसंवाद साधणार आहेत.
याप्रसंगी जे नागरिक आपल्या तक्रारी / सूचना / संकल्पना महापालिका आयुक्तांकडे मांडू इच्छित असतील त्यांनी त्या लेखी स्वरूपात आणून सकाळी 6.00 वा. पासून तेथे उपस्थित असणा-या महापालिका विभाग कार्यालय प्रतिनिधीकडून आपला टोकन क्रमांक प्राप्त करून घ्यावा आणि टोकन क्रमांकानुसार महापालिका आयुक्त यांची भेट घेऊन आपले निवेदन सादर करावे असे आवाहन नवी मुंबई महानगरपालिकेच्या वतीने करण्यात येत आहे.
