विद्या लोखंडे-गवई
नवी मुंबई : महापालिका आयुक्त तुकाराम मुंढे यांच्या ‘वॉक विथ कमिशनर’ या उपक्रमाला सर्वच ठिकाणी नागरिकांचा चांगला प्रतिसाद लाभत असून सकाळी मॉर्निग वॉक करत आयुक्तांसमवेत सुसंवाद साधण्याच्या या अभिनव संकल्पनेचे सर्व स्तरांतून स्वागत करण्यात येत आहे.
13 ऑगस्ट 2016 रोजी महापालिका आयुक्त तुकाराम मुंढे महापालिका अधिका-यांसह से. 5, ऐरोली येथील चिंचोली उद्यानात ‘वॉक विथ कमिशनर’ उपक्रमांतर्गत सकाळी 6.30 वा. उपस्थित राहून नागरिकांशी सुसंवाद साधणार आहेत.
याप्रसंगी महापालिका आयुक्तांकडे ज्या नागरिकांना आपल्या तक्रारी / सूचना / संकल्पना मांडावयाच्या असतील त्यांनी त्या लेखी स्वरूपात सोबत घेऊन याव्यात व उद्यानामध्ये सकाळी 6.00 वा. पासून उपस्थित असणा-या महापालिका विभाग कार्यालय प्रतिनिधीकडून आपला टोकन क्रमांक प्राप्त करून घ्यावा आणि टोकन क्रमांकानुसार महापालिका आयुक्त यांची भेट घेऊन आपले निवेदन सादर करावे असे आवाहन नवी मुंबई महानगरपालिकेच्या वतीने करण्यात येत आहे.
