कुकशेतमध्ये नागपंचमीनिमित्त सांस्कृतिक कार्यक्रमाची मांदियाळी

सुजित शिंदे : ९६१९१९७४४४
नवी मुंबई : नागपंचमीनिमित्त दरवर्षीप्रमाणे यंदाही कुकशेत गावामध्ये राष्ट्रवादी कॉंग्रेस पक्ष प्रभाग ८५ व ८६च्या वतीने विविध सांस्कृतिक कार्यक्रमाचे आयोजन करण्यात आले होते. स्थानिक महिला बचत गटांच्या माध्यमातून या कार्यक्रमाचे आयोजन करण्यात आले होते.
या कार्यक्रमास राष्ट्रवादी कॉंग्रेसच्या नवी मुंबई जिल्हाध्यक्षा व माजी नगरसेविका सौ. माधुरी सुतार, स्थायी समितीच्या प्रथम महिला सभापती व ज्येष्ठ नगरसेविका सौ. नेत्रा शिर्के, उद्यान व शहर सुशोभीकरण समितीच्या सभापती सौ. तनुजा मढवी प्रमुख पाहूण्या म्हणून उपस्थित होत्या.
या कार्यक्रमामध्ये सहभागी झालेल्या विविध महिलांनी नागपंचमीनिमित्त विविध पारंपारिक कार्यक्रम सादर केले. या कार्यक्रमामध्ये नेरूळ सेक्टर सहा व दहा, कुकशेत व सारसोळे गावातील महिला मोठ्या संख्येने व उत्स्फूर्तपणे सहभागी झाल्या होत्या.
महिला व बाल कल्याण समितीच्या उपसभापति सौ. सुजाताताई सुरज पाटील, उद्यान व शहर सुशोभिकरण समितीच्या उपसभापति सौ. जयश्री एकनाथ ठाकुर यांच्या मार्गदर्शनाखाली या कार्यक्रमाचे आयोजन करण्यात आले होते. उपस्थित पाहूण्यांनी यावेळी सहभागी महिलांना मार्गदर्शन करताना सणांच्या माध्यमातून सांस्कृतिक चळवळ वृध्दींगत करण्याची आवश्यक व्यक्त केली.
कार्यक्रमाच्या आयोजक नगरसेविका सौ. सुजाताताई पाटील यांनी नागपंचमीनिमित्त भावी पिढीला सणांची व त्यानिमित्त सादर केल्या जाणार्‍या कार्यक्रमांची, परंपरांची माहिती व्हावी यामागे उद्देश असल्याचे सांगितले.