मुंबई : ट्यूशनचा अभ्यास केला नाही म्हणून दोन चिमुरड्यांना अत्यंत घृणास्पद शिक्षा दिल्याचा प्रकार मुंबईत उघडकीस आला आहे. दोघा विद्यार्थ्यांना अर्धनग्नावस्थेत तब्बल अर्धा दिवस क्लासबाहेर उभं केल्याची घटना मालवणीत घडली आहे.मालवणीतल्या श्री ट्यूशन क्लासेसमध्ये लहानग्यांना ही लज्जास्पद शिक्षा देण्यात आली आहे. विशेष म्हणजे काही जणांनी दोघांना बाहेर केल्याचा व्हिडिओ शूट केला आहे. या प्रकारानंतर पीडित मुलं प्रचंड घाबरली असून तणावाखाली आहेत.दोन्ही मुलांनी ट्यूशन क्लासमध्ये दिलेला अभ्यास पूर्ण केला नव्हता. अभ्यास अपूर्ण असल्यामुळे शिक्षकांनी त्यांना दुसरी एखादी शिक्षा देणं अपेक्षित होतं. मात्र संबंधित शिक्षकाने त्यांचे कपडे काढून त्यांना क्लासबाहेर उभं केल्याने संताप व्यक्त होत आहे.
