नेरूळ पोटनिवडणूकीची मतमोजणी १० जानेवारीलाच

नवी मुंबई / सुजित शिंदे

महानगरपालिका पोटनिवडणूक प्रभाग क्र. ८८ ची मतमोजणी यापुर्वी राज्य निवडणूक आयोगामार्फत प्रसिध्द कार्यक्रमानुसार दि. ११ जानेवारी २०१६ रोजी जाहीर करण्यात आली होती. तथापि याबाबत दि. ६ जानेवारी २०१६ रोजी राज्य निवडणूक आयोगामार्फत प्राप्त आदेशानुसार या संदर्भातील अधिसूचनेमध्ये ‘मतमोजणीची प्रक्रिया दि. १० जानेवारी २०१६ रोजी सायं. ६.३० वा. किंवा प्रभागातील सर्व मतदान केंद्रांवरील मतदान बंद झाल्यानंतर अर्ध्या तासाने यापैकी जे नंतर घडेल त्यावेळी सुरू करण्यात यावी’ असे नमूद करण्यात आले आहे. तरी सदर बदलाची नोंद उमेदवार व संबंधितांनी घ्यावी असे नवी मुंबई महानगरपालिका निवडणूक विभागाच्या वतीने सूचित करण्यात येत आहे.