नवी दिल्ली : दिल्लीत सीमा सुरक्षा दलाच्या सुपर किंग या चार्टर्ड विमानाला भीषण अपघात झाला. या अपघातात तीन वैमानिकांसह प्रवास करणा-या सर्व अधिकार्‍यांचा मृत्यू झाल्याचे समजते. हा अपघात मंगळवारी सकाळी १० वाजण्याच्या सुमारास झाला.
बीएसएफचे हे विमान दिल्लीतून रांचीला निघाले होते. विमानतळावरून उड्डाण केल्यानंतर या विमानाचा संपर्क तुटला. या विमानात बीएसएफचे १० अधिकारी प्रवास करत होते. हे विमान द्वारका परिसरातील बाडोला गावाजवळ कोसळले.
अग्निशमन दलाच्या १५ गाड्या आणि रुग्णवाहिका तात्काळ घटनास्थळी दाखल करण्यात आल्या असून मदतकार्य सुरू आहे.
या अपघातात तीन जवानांचा मृत्यू झाला असून अन्य आठजण गंभीर जखमी झाल्याची माहिती दिल्ली पोलिसांनी दिली आहे. हा अपघात नेमका कशामुळे झाला याचे कारण अद्यापही समजलेले नाही.
बीएसएफच्या विमान भीषण अपघातात १० ठार
