स्वयंम फिचर्स : ८८७९४८४८३६ , ८०८२०९७७७५
नवी मुंबई : योग विद्या निकेतन व यमुना फाऊंडेशनच्या वतीने रविवार, दि. २९ नोव्हेंबर रोजी वाशीत तिसरे योग साहीत्य संमेलन व प्रदर्शनाचे आयोजन करण्यात आले असून योग विद्या निकेतनचे अध्यक्ष डॉ. श्रीकांत बडवे हे या संमेलनाचे अध्यक्षस्थान भूषविणार आहेत. खासदार गोपाळ शेट्टी यांच्या हस्ते या संमेलनाचे उद्घाटन होणार आहे.
वाशी, सेक्टर ९ए मधील भुखंड क्रं १४ वरील योगभवनामध्ये हे संमेलन सकाळी ८ ते सांयकाळी ७.३० या वेळेमध्ये आयोजित करण्यात आले आहे. या संमेलनात योगाचार्य पद्मश्री सदाशिव निंबाळकर मार्गदर्शन करणार आहेत. सौ. शकुंतला निंबाळकर या संमेलनाच्या स्वागताध्यक्षा, यमुना फाऊंडेशनचे अध्यक्ष मोहन भोईर या संमेलनाचे कार्यवाह आहेत. या संमेलनात आमदार प्रशांत ठाकूर, डॉ. विश्‍वास मेहंदळे, डॉ. केळूसकर, विनायक पात्रुडकर, यशवंत देवस्थळी, डॉ. वृषाली देशमुख, भरत गुप्ता, डी.पी.अगरवाल, उदय विश्‍वासराव, डॉ. अशोक पाटील सहभागी होणार आहेत.
योगाविषयी ज्ञानसंकलनाकरता हे योग साहीत्य संमेलन उपयुक्त ठरणार असल्याने नवी मुंबईकरांनी मोठ्या संख्येने या संमेलनात सहभागी व्हावे असे आवाहन आयोजकांकडून करण्यात आले आहे.
रविवारी वाशीत तिसरे योग साहीत्य संमेलन व प्रदर्शन
