नवी मुंबई : मुंबई, नवी मुंबई, ठाणेसह संपूर्ण महाराष्ट्रात व देशात दिवाळीचा सण अत्यंत आनंदात व उत्साहात साजरा करण्यात आला. बालदिनाचे औचित्य साधत ड्रीमनेहा ट्रस्टच्या पदाधिकारी व कार्यकर्त्यांनी गरीब लहान मुलांना दिवाळी फराळ व फटाक्यांचे वाटप केले. यावेळी सानपाडा व वाशीस्थित झोपडपट्टीतील गरीब लहान मुलामुलींना दिवाळी फराळाचे वाटप करण्यात आले. फटाके व दिवाळी फराळ मिळाल्यानंतर त्यांच्या चेहर्‍यावरील अद्वितीय आनंद पाहून दिवाळी सणाचा आनंद द्विगुणीत झाल्याचे मत ड्रीमनेहा ट्रस्टचे अध्यक्ष सनप्रित तुर्मेकर यांनी व्यक्त केले. अशाच प्रकारे यापुढेही येणारा प्रत्येक सण ड्रीमनेहा ट्रस्ट गरीब लहान मुलांसोबत साजरा करणार असल्याचा मानसदेखील ड्रीमनेहा ट्रस्टचे खजिनदार संदेशदादा डोंगरे यांनी बोलून दाखवला.
या स्तुत्य उपक्रमात ड्रीमनेहा ट्रस्टचे अध्यक्ष सनप्रीत तुर्मेकर, नितीन चव्हाण, उपाध्यक्ष टर्फनील गोम्स, सचिव विकास बोंबे,उपसचिव अनिकेत पालकर, खजिनदार संदेश डोंगरे, अनिकेत पाटील, राहुल भोर,अक्षय पाटील,गणेश जाधव, अंकुर सोनवणे, अर्जुन देवेंद्र, तुषार जाधव, हेमंत अगाने, अरुण चंद्रन, जयेश गौडा हे सर्व पदाधिकारी व कार्यकर्ते मोठ्या प्रमाणात सहभागी झाले होते.
बालदिनानिमित्त ड्रीमनेहा ट्रस्टकडून गरीब लहान मुलांना फराळ व फटाक्यांचे वाटप
