नवी मुंबई : मनसे शहर अध्यक्ष गजाजन काळे यांनी संघटनात्मक पुनर्रचना करताना प्रभागाप्रभागामध्ये संघटनात्मक बांधणी करण्यावर गेल्या काही दिवसापासून भर दिल्याचा पहावयास मिळत आहे. मनसेची मोर्चेबांधणी करण्याच्या प्रयासाचाच एक भाग म्हणून प्रभाग 84 च्या शाखाध्यक्षपदी पुंडलिक (राज) पाटील यांची नुकतीच निवड करण्यात आली आहे.
मनसे शहरअध्यक्ष गजाजन काळे यांच्या उपस्थितीत पुंडलिक पाटील यांना हे नियुक्तीपत्र देण्यात आले. यावेळी मनसेचे शहर सचिव अ‍ॅड. कौस्तुभ मोरे, मनसेचे विभाग अध्यक्ष विलास चव्हाण उपस्थित होेते. पुंडलिक पाटील हे मनसेच्या स्थापनेपासून मनसैनिक म्हणून कार्यरत असून ते सेक्टर 2मधील जयहिंद अपार्टमेंटमधील स्थानिक रहीवाशी आहेत.
प्रभाग 84 मध्ये नेरूळ सेक्टर 2-4 आणि जुईनगर सेक्टर 25 परिसराचा समावेश होत आहे. विलास चव्हाण, मंगेश वाकचौरे, तुषार पाटील यांच्या सहकार्याने प्रभाग पुन्हा लवकरच मनसेमय झालेला पहावयास मिळेल, अशी ग्वाही यावेळी पुंडलिक पाटील यांनी दिली.
प्रभाग 84च्या मनसेच्या शाखाध्यक्षपदी पुंडलिक (राज) पाटीलांची नियुक्ती
