नवी मुंबई : सारसोळे गावातील सस्मित भोईर या युवकाच्या घरच्या गणेशोत्सवातील आरास पाहता मांडणी व सजावट यावर विशेष परिश्रम घेतल्याचे पहावयास मिळत आहे. सारसोळे गावातील होळी मैदानानजिक कोलवाणी माता मित्र मंडळ कार्यालयाच्या मागे असलेल्या ‘सूर्यकांत स्मृती अपार्टमेंट’मध्ये गणेश भक्तांनी सस्मित भोईर यांच्या घरी गणेश दर्शनास जाण्यास हरकत नाही. घरगुती गणेशोत्सवाची आरास करताना भोईर यांनी व्हाईट हाऊस नजिकचा उड्डाणपुल दाखविला असून नेरूळ सेक्टर सहामधील मेरेडीयन, अक्षर व अन्य टॉवरही दाखविले आहे. परिश्रमपूर्वक केलेली आरास लक्षवेधी ठरत असून मांडणी व सजावटीमध्ये सस्मित भोईर यांना त्यांचे मित्र गणेश घरत यांनी विशेष सहकार्य केले आहे.
सारसोळेतील सस्मित भोईरांचा घरगुती गणेशोत्सव
