मुंबई : मुंबईमधील वांद्रे-कुर्ला संकुलातील आरबीआयच्या इमारतीला शुक्रवारी सकाळी आग लागली. अग्निशमन दलाच्या आठ गाड्या घटनास्थळी दाखल झाल्या आहेत.
बीकेसीमधील रिझर्व्ह बँक ऑफ इंडियाच्या आठव्या मजल्यावर शुक्रवारी सकाळी साडेआठच्या सुमारास भीषण आग लागली. घटनेची माहिती मिळताच आग्निशमन दलाच्या आठ गाड्या आणि पाण्याचे सहा टँकर घटनास्थळी दाखल झाले.
सकाळची वेळ असल्यामुळे कार्यालयात कर्मचारी नव्हते. त्यामुळे सुदैवाने कोणतिही जिवीतहानी झाली नाही.
आगीवर नियंत्रण मिळवण्यासाठी अग्निशमन दलाच्या जवानांचे प्रयत्न सुरू आहेत. ही आग नेमकी कशामुळे लागली, याचे कारण अद्याप स्पष्ट झालेले नाही.
बीकेसीमध्ये आरबीआयच्या इमारतीला आग
