हार्बर मार्गावरील वाहतूक पुन्हा विस्कळीत

मुंबई : हार्बर रेल्वे मार्गावर चुनाभट्टी स्थानकाजवळ रेल्वे अचानक बंद पडल्याने हार्बर मार्गावरील वाहतूक विस्कळीत झाली आहे.
पनवेलहून सीएसटीकडे जाणारी वाहतूक गेल्या एक तासापासून ठप्प आहे. तर सीएसटीहून पनवेलकडे जाणारी वाहतूक 15 ते 20 मिनिटे उशिराने सुरू आहे.
प्रवाशांना मध्य रेल्वेमार्गावर कुर्ला-सीएसटी प्रवास करण्याची मुभा देण्यात आली असून कुर्ला येथून सीएसटीच्या दिशेने जाण्यासाठी विशेष गाड्या सोडण्यात आल्या आहेत.
ऐन गर्दीच्या वेळेस रेल्वे सेवा विस्कळीत झाल्याने कामावर जाणार्‍या प्रवाशांना मनस्ताप सहन करावा लागत आहे.