नवी मुंबई : महाराष्ट्र राज्य माध्यमिक व उच्च माध्यमिक शिक्षण मंडळातर्फे मार्चमधील परीक्षेत अनुत्तीर्ण झालेल्या दहावीच्या विद्यार्थ्यांसाठी जुलैमध्ये घेण्यात आलेल्या फेरपरीक्षेचा ऑनलाईन निकाल मंगळवारी दुपारी जाहीर करण्यात आला. राज्यात एकूण 25.37 टक्के विद्यार्थी या परीक्षेत उत्तीर्ण झाले आहेत.
यापूर्वी दहावीच्या विद्यार्थ्यांसाठी मार्च आणि ऑक्टोबर अशा दोन परीक्षा होत होत्या. मात्र, विद्यार्थ्यांचे शैक्षणिक वर्ष वाया जाऊ नये, यासाठी ऑक्टोबरऐवजी जुलैमध्ये परीक्षा घेण्यात आली.
विद्यार्थ्यांना गुणपत्रकांचे वाटप 31 ऑगस्टला दुपारी तीन वाजता संबंधित शाळांमध्ये करण्यात येणार आहे. त्यानंतर या विद्यार्थ्यांना अकरावीच्या वर्गात प्रवेश देण्यात येणार आहे.
** विभागनिहाय निकाल
पुणे – 26.20
नागपूर – 31.20
औरंगाबाद – 27.65
मुंबई – 17.84
कोल्हापूर – 21.80
अमरावती – 32.80
नाशिक – 25.49
लातूर – 26.20
कोकण – 12.53
एकूण – 25.37
दहावी फेरपरीक्षेत 25 टक्के विद्यार्थी उत्तीर्ण
