मुंबई विद्यापीठाच्या कुलगुरुंनी घेतली राज ठाकरेंची भेट

मुंबई : मुंबई विद्यापीठाचे कुलगुरु डॉ. संजय देशमुख यांनी बुधवारी मनसे अध्यक्ष राज ठाकरे यांची त्यांच्या दादर येथील निवासस्थानी भेट घेतली.
या भेटीनंतर पत्रकारांशी बोलताना देशमुख म्हणाले कि, ही भेट राजकीय नव्हती. विद्यापीठाचा दर्जा उंचावण्यासाठी मी विविध क्षेत्रातल्या व्यक्तींना भेटून त्यांची मते जाणून घेत आहेत. शास्त्रज्ञ आणि तज्ञांचीही मी भेट घेतली आहे.
डॉ. राजन वेळूकर यांचा कार्यकाळ संपल्यानंतर या महिन्याच्या सुरुवातीला डॉ. देशमुख यांनी कुलगुरु म्हणून मुंबई विद्यापीठाची सूत्रे हाती घेतली.