* आमदार संदीप नाईक यांचा विरोधकांवर हल्लाबोल
नवी मुंबई : विधायक कामात नेहमीच खो घालून त्यावर टीका करण्याच्या विरोधी पक्षातील नेत्यांवर मंगळवारी आमदार संदीप नाईक यांनी हल्लाबोल करीत कावळ्याच्या शापाने गाय मरत नसल्याचा जबरदस्त टोला लगावला आहे.
खासदार सुप्रिया सुळे यांच्या वाढदिवसानिमित्त नवी मुंबई राष्ट्रवादी कॉंग्रेसच्या वतीने शहरात अनेक ठिकाणी वृक्षारोपणाचे कार्यक्रम ग्रीन होप संस्थेच्या माध्यमातून राष्ट्रवादी कॉंग्रेसचे प्रदेश सरचिटणीस संजीव नाईक, आमदार संदीप नाईक यांच्या उपस्थितीत पार पडले. महापालिकेतील विरोधी पक्षनेते विजय चौगुले यांनी ग्रीन होप संस्थेवर केलेल्या आरोपांविषयी पत्रकारांनी आमदार नाईक यांना विचारले असता विरोधकांकडे सांगण्यासाठी कोणतेही मुद्दे नसल्याने ते अशा प्रकारचे घाणेरडे राजकारण करीत आहेत. आमच्या विधायक उपक्रमांना जनतेचा भरघोस प्रतिसाद लाभत असल्याचे आमदार नाईक म्हणाले. विरोधकांनी कितीही कांगावा केला तरी कावळ्याच्या शापाने गाय मरत नसते, असे आमदार नाईक यांनी विरोधकांना ठणकावले. जेव्हा तुमच्यावर आकसापोटी टीका सुरु होते तेव्हा आपण समजायचे की तुमचे कार्य चांगले सुरु आहे, असे मत आमदार नाईक यांनी मांडले.
* वृक्षारोपणातून सुप्रियाताइरना वाढदिवसाच्या शुभेच्छा!
खासदार सुप्रिया सुळे यांच्या वाढदिवसानिमित्त मंगळवारी शहरात कोपरखैरणे, गोठिवली, नेरुळ अशा विविध ठिकाणी नवी मुंबई राष्ट्रवादी कॉंग्रेसच्यावतीने ग्रीन होप या स्वयंसेवी संस्थेच्या माध्यमातून वृक्षारोपणाचे कार्यक्रम घेण्यात आले. या प्रसंगी राष्ट्रवादी कॉंग्रेसचे प्रदेश सरचिटणीस संजीव नाईक, आमदार संदीप नाईक आदी मान्यवर, राष्ट्रवादी कॉंग्रेसचे कार्यकर्ते तसेच नागरिक मोठ्या संख्येने उपस्थित होते.
सुप्रियाताई सुळे यांच्या बेटी बचाव आंदोलनात नवी मुंबई पुढे आहे. नवी मुंबईत मुलींचा जन्मदर जास्त असल्याचे सांगून आमदार संदीप नाईक यांनी सुप्रियाताइरना वाढदिवसानिमित्त नवी मुंबईकरांच्यावतीने ही अभिनव भेटच असल्याचे नमूद केले.
