मुंबई : वडाळ्यामधील पोर्ट ट्रस्ट परिसरात शनिवारी कॅस्ट्रॉल ऑईल कंपनीच्या टँकरला भीषण आग लागली. मात्र या आगीत कोणतीही जिवितहानी झाल्याचे वृत्त अद्याप नाही.
शनिवारी सायंकाळी ६.४५ वाजण्याच्या सुमारास ऑईल टँकरला आग लागली. आगीचे वृत्त कळताच अग्निशमन दलाच्या आठ गाड्या तसेच तीन रुग्णवाहिका घटनास्थळी दाखल झाल्या, आगीमुळे या परिसरात धुराचे लोट पसरले होते.
दोन तासांनंतर आगीवर नियंत्रण मिळवण्यात अग्निशमन दलाच्या जवानांना यश आले. दरम्यान, आगीचे कारण अद्याप समजू शकलेले नाही.
वडाळ्यातील पोर्ट ट्रस्ट परिसरात ऑईल टँकरला आग
