शिवसेना उपशहरप्रमुख रोहिदास पाटील यांचा वाढदिवस उत्साहात

अनंतकुमार गवई
नवी मुंबई : शिवसेना उपशहरप्रमुख तथा समाजसेवक रोहिदास पाटील यांच्या 14 फेब्रुवारी रोजी 50 व्या वाढदिवसाचे औचित्य साधून विरोधी पक्षनेत्या सरोजताई पाटील यांच्या माध्यमातून महिलांसाठी भव्य हळदीकुंकू, विभागातील ज्येष्ठ नागरिकांचा सत्कार समारंभ व सांस्कृतिक कार्यक्रमाचे आयोजन करण्यात आले होते.
यावेळी, आग्रोळी गाव, सीबीडी, बेलापूर गाव, आयकर कॉलनी, एकता विहार तसेच नवी मुंबईतील विविध ठिकाणच्या मान्यवरांनी सोहळ्यास उपस्थिती दर्शवून रोहिदास पाटील यांना वाढदिवसाच्या मनपूर्वक शुभेच्छा प्रदान केल्या.
याप्रसंगी, ठाणे जिल्ह्याचे पालकमंत्री नामदार एकनाथ शिंदे, खासदार राजन विचारे, शिवसेना उपनेते विजय नाहटा, संपर्कप्रमुख विठ्ठल मोरे, जिल्हाप्रमुख विजय चौघुले, जिल्हासंघटक रंजना शिंत्रे, शहरप्रमुख विजय माने, माजी सिडको संचालक नामदेव भगत अशा मातब्बर मंडळींनी उपस्थित राहून वाढदिवसाच्या शुभेच्छा दिल्या.
सदर, कार्यक्रम यशस्वीपणे राबविण्यासाठी विभागातील सर्व शाखाप्रमुख, शाखासंघटक, युवासैनिक व शिवसैनिकांनी आणि ग्रामस्थांनी विशेष योगदान दिले.