अनंतकुमार गवई
नवी मुंबई : राजमाता जिजाऊ यांच्या ४१७व्या जंयतीनिमित्त नेरूळ सेक्टर १०मधील शिवशाही क्रिडा मंडळाच्यावतीने रविवार, दि. ११ जानेवारी रोजी व्याख्यान व रक्तदानाचा कार्यक्रम आयोजित केला आहे.
नेरूळ सेक्टर १० मधील अण्णासाहेब पाटील मैदान, बिल्डींग नं १ ते १४ या ठिकाणी रविवारी सकाळी ११ वाजल्यापासून रक्तदानाच्या कार्यक्रमास सुरूवात होणार आहे. डॉ. डी.वाय पाटील हॉस्पिटल ऍड रिसर्च सेंटरच्या सहकार्याने हा रक्तदानाचा कार्यक्रम आयोजित करण्यात आला आहे. रक्तदात्यांना आयोजकांच्यावतीने छत्रपती शिवाजी महाराज यांचे मानचिन्ह देण्यात येणार आहे.
सांयकाळी ८ वाजता नेरूळ सेक्टर १०मधील साई बाबा हॉटेलशेजारील साईबाबा रिक्षा स्टॅण्ड येथे राजमाता जीवनपटावर आधारीत सौ. अपर्णाताई रामतीर्थकर यांच्या व्याख्यानाचे आयोजन करण्यात आले आहे. कुकशेतमधील राष्ट्रवादी कॉंग्रेसचे युवा नगरसेवक व स्थायी समिती सदस्य सुरज पाटील यांच्या सौजन्याने रक्तदान व व्याख्यान या कार्यक्रमाचे आयोजन करण्यात आले आहे.
राजमाता जिजाऊच्या जंयतीनिमित्त रक्तदानासह व्याख्यान